José Ignacio Suárez García (Llión)
Llicenciáu en Musicoloxía y doctor pola Universidá d'Ovieo, ye autor d'El arte de ilusionar (2022) y de más de 50 estudios musicolóxicos publicaos en llibros de prestixosas editoriales
y n'acreditadas revistas científicas. Profesor Superior de Flauta de Pico, ye, asinamesmo, intérprete y director de música antigua y coral. Director-fundador d'Añada: revista d'estudios/lioneses, la primer publicación científica llionesa na que la llengua vehicular ye l'asturlliones, actualmente ye Profesor Titular del Departamentu d'Historia del Arte y Musicoloxía de la Universidá d'Ovieo y coordinador, nesta mesma universidá, de la Rede Internacional
d'Universidades Lectoras.
Rodrígo Martínez (Llión)
Multinstrumentista. Rodrigo ye un irremprazable de la escena musical llionesa, dedicándose mayormente al folk, en grupos cumo Tama ou, anteriormente, Pandetrave. Participóu, amás, en producciones músico-teatrales cumo las cuatro estaciones de Cuatrode4. No sou interés etnográficu por conocer de primer manu'l padremuñu musical de la nuesa tierra, en sentíu ampliu, atesoura un gran arquivu de músicas y relatos pañaos por él mesmu.
Edilberto Rodríguez (Pombriegu, Llión)
"You soi del país, soi cabreirés, soi d'eiquí". Defímese asina esti mozu que, en llugar d'abandonar el pueblu cumo tantos outros, decide siguir cono oficiu de pastor y, tamién apañar y revitalizar los cantares, los sones de pandereta, el entroido del sou llugar y outras tradiciones de la sua contorna, arrequedando, d'esta miente, parte del ricu padremuñu cabreirés. En contactu dende ñiñu cona música tradicional, ye mañosu colos instrumentos de percusión y un
avezáu tamboriteiru (chifla y tamboril). Requeríu nas fiestas, romerías, mazcaradas, rondas, bodas y quintos de bien de llugares cabreireses, senabreses y bercianos (más d'ochenta pueblos añalmente), Edilberto pon especial cuidáu en mantener la esencia del folclor cabreirés.
D'esti recuéyese una buena muestra no CD de l'asociación folclórica «Aires del Cabrera» tituláu N´el arca d'os mieus recuerdos.
Dúo Tsacianiegas (Samiguel, Tsión)
Está formáu polas hermanas Raquel ya Laura Álvarez Alonso, quien dende nenas estuvienon samarguchadas na cultura tradicional de la montaña noroccidental llionesa y asturiana (Ribas de Sil, Tsaciana, Vabia, Oumaña ya suroccidente asturianu), una redondada rica en baitse ya música tradicional. Espués de deixar no 2005 el grupu de baitses no que escumenzaran cuando nenas, Laura decidíu tocar ya cantar sola en bien d'autos, hasta que no 2008, Raquel emprincipióu a acompañala nas bodas. Amás de cantares de boda, no sou repertoriu hai xotas, baitses del país, pollos, vaqueiradas, etc., siempre acompañaos pola pandereta ya'l pandeiru cuadráu. Tsacianiegas usan normalmente la indumentaria tradicional tsacianiega
ya'l pachuezu, variante del llionés falada na sua comarca.
