2 feb 2021

Xuegos Llioneses: La Bigarda

 Paece que la “Bigarda” yia un xuegu, cun deillos xeitos pa xugalu. Y aínda tenemos otru semeyante chamau “El Pite”. You solu falare de la maneira que xugabase nel Barrio la Veiga de Llión nus años “60” del sigru pasáu.

 Neste xeitu, necesitabase xugalu nun prau, pues la yerba yera emprescindible.

Pa que fuere engayolau y pudierase xugare abondu bien, intre 5 ó 10 xugadores sería lo prestosu.

 Ca xugador debía de tenere un palu -chamabase asina”Palu” – de llargu comu de la manu al suelu o comu mais prestabale al xugador pa furrulalu.

 La “Bigarda” yera otru palu de 20-30 cm aprosimadamente

 Los nenos axeitabanse´n corru, siñalandu´l sitiu de sou, cun un pequenu montonín de cantos y alantre´l montón un pequenu buratu que deciase “Xeta”.

 Lo primeiru yera eichare a suertes la bigarda y al que tocabai -Xugador (A) - encomencipiaba el xuegu.


 La bigarda lanzabase de primeiru al xugador la derecha de sou. Peru nun tirabase desmanicada. Lu primeiru debía de ire  plana y sin cingeos, y  lu sigundu a la dreita l´otur xugador (B) – A nun sere que fuera chovu- y nel radiu de aución del sou palu.

El xugador (B) tenía de tenere cuyidu´l palu de sou pur un estremu y l´otru estremu dientru la xeta.

 Sigún viniera la bigarda´l xugador tenia de xulgare si venia bien o mal embredada. Si venia horizontal y sin cingare, sacaba el sou palu la xeta y golpeabala unviandola adesamanu. Entoncias el xugador (A) debía de ire a recochela. Si el xugador (B) sacaba el sou palu la xeta y nun atinaba la bigarda, quedabase cun ella. Si el xugador (B) nun sacaba´l palu la xeta, peru la bigarda golpiaba´l palu, tamién quedabase cun la bigarda.

 Una maña mui común yera, (A) amagaba cun embredala y si l´otru xugador sacaba el sou palu la xeta, maseina de tiempu, el xugador (A) podía llanzala fuera l´alcance de (B) pa que nun fuera a dala, llibrandose asica de la bigarda. Peru nun podía tentai mais de duas vegadas cun mesmu xugador. Si amagaba cun tirala la terceira vegada, penabasele cun “Palu a Roma”.

 “Palu a Roma” yera la penalización cun que prendabasele a quienes nun respetaban el reglamientu del xuegu. Consistia en Zamburriai´l palu l´amonestau, lu mais llonxe. Nel intre l´amu´l palu corria escapau pur él, los outros escabuchabale la xeta arrincandu tapines y esbocandosela. Toos los tapines trincaos por ca xugador, acuelmanse tras el sou mogote de cantos, pa usalos al cabu´l xuegu.

 Si el xugador (B) veia de venire mal llanzada la bigarda, nun movía el palu la xeta y el xugador (A) veiase angariau arrepitire´l llanzamientu.

 Una vegada que (B)  golpeaba la bigarda, (A) tenia de recochela d´onde cayera y tornare al sou sitiu pa repetire´l llanzamientu cun (C) y asina acontinuare con (D), (E)………..y rodare pur toos los xugadores del corru, dica que dalgún fallaba y teniase de quedare la bigarda.

Allá una vegada que´l portador, diva y venia d´atropare la bigarda, nel intre, los outros xugadores podían dire a la sou xeta y desbocasela arrincandu tapines pa llevalos al sou mogote piedras. Peru tenian d´estare al tientu y entainare abondu. Purque si el xugador (A) tornaba escapau y metía la bigarda  na xeta d´outru xugador cualesquier mientras taba escabuchandu, quedabase con la bigarda. Da feitu el portador, podía de metere la bigarda na xeta de cualesquier outru xugador, en cualesquier estante. Dalgunas vegadas las xetas yeran tan grandes, que cun un llanzamientu muitu mañosu de la bigarda, bastaba pa dexaila na xeta contraria.  L´únicu que enxancaba´l que metierante la bigarda na xeta, yera que´l tu palu tuviera n´ella.

Un xugador enxamás debía de soltare el palu de sou, purque si cualesquier outru coyiatelu, entocias al glayíu de ¡Palu a Roma!, eras penau cun este castigu. Y aínda nun solu ampliaban la tou xeta arrapiñandote tapines, pancima, el portador aprovecandu la tu ausencia, colabate la bigarda na tu xeta.

Pur esu soltare´l palu pa atropare a´scape y ambuciadas los tapines afarramplaos, cuasi siempres yera una inquivucación que pagabase mui caru.

Y asina a corribandas, golpiandu, embredandu y escabuchandu, pasabase la tarde.

 Pa finare´l xuegu, ca xugador debía d´entapinare la xeta de sou, cun los sous tapines aforriaos tras sus morriellos……..Y  ¡Ay míu! Si nun tenias d´avíu. Entoncias palmabas y los que palmaban debían de “Rucare´l fincón”

El castigu tratabase de facere una pequena estaca - De unos 5/7 cm de llarga – Y afincala nel suelu del xeitu darréu: Fincabase un miachu cuna man pa que tuvierase tepitiesa y darréu ca xugador – ensin apercollala-  zurrapiabala una sola vegada con el sou palu, cincandola too lo posible. Lluéu el xugador penau, veiase angariau a desclavala cunos caniles, sin utilizare las manos. Teníamos tanta albelidá nel usu´l  “manal”, que enantias de rucare la estaca, el penau tenía d´arremescare tierra y yerba cun sous caniles.

Tamién esistía la posibilidá – tous sabíamoslu -  que dalgún acordarase nu intre, que tenia que chustare a casa y non tuviera tiempo de rucare l´espetu. Comu conocíamos la maña, toos acudíamos a la “ceremonia” acolgomaos de tapines sobrantes. Asina que si dalgún retirabase a escape y cun priesa, “sofitabamusle” atorfugandui cunus tapines facia la sua casa.

 Una maneira mais benina de castigu, yera facele “La carriella”. Trababasele cun las duas manos pur las pias y angariabasele a´pionare cunas manos pul too´l corru del xuegu, acarreñando nel llombu cunos tapines pezapos.


El juego “La Bigarda” lo cita  María del Camino Ochoa en su libro “JUEGOS INFANTILES LEONESES” y Álvaro de Mena Barbado en su TRABAJO DE FIN DE GRADO EN CIENCIAS DE LA ACTIVIDAD FÍSICA Y DEL DEPORTE

Curso Académico 2015/2016

Pero aunque tengan el mismo nombre, no parece el mismo juego como se puede comprobar al leer su descripción.

file:///C:/Users/Chema/Downloads/2DEMENABARBADO_ALVARO_DICIEMBRE_2015%20(1).pdf

5.5. LA BIGARDA.-

Este juego lo podemos encontrar a lo largo de la provincia de León con diversos

nombres. “Begarza en el Páramo, billarda en el Bierzo, cocha, chirumba, pito en Castilla, son varias de las denominaciones que presenta este juego a lo largo de la provincia de León” (Rosa y del Río, 2001), pero en el Alto

Torío es conocido como “Bigarda”.

A lo largo de la provincia de León, son numerosas las variantes que existen sobre este juego. En la zona del alto Torío, los entrevistados que se acordaban de este juego me explicaron que consistía en que los participantes deberían de tener en su poder dos palos, uno pequeño y el otro más grande. Con el grande pinaban el pequeño del suelo, y debían de golpearlo con la bigarda hasta

intentar sacarlo de un círculo previamente dibujado.


 

No hay comentarios: