Xuegos llioneses: El Esconderite

Sigún las escalitaciones filiolóxicas de Janick le Man, na tierra llionesa l´esconderite o l´escondedelas tien 12 nomes destintos. Cun tou u cun esu, muitu asemeyaos: Ascondelas | escondiella | escondidiella | escondidiello | esconderallas | escundilietsas | escondidietsa | escundidietsas | escundilitsa | escondidillas | esconderite | escondelerite. . ¡Sera pur  riqueza llinüística! https://lla.unileon.es/?id=EC106896

Tamién esisten distintus xeitos de xugalu.  Solu cuntare la qu´abultame mais davezu.

Comu n´otros muitos xuegos entamase pur desinare al que “pone”, mediante un corru y una cantinela o canción, ou ca pallabra correspón a un xugador y la pallabra cabera – da feitu debe dare mais de una torna´l corru -   dicenos quien la pone.

Quien ponela, tien de gulvese escontra una paré, el tueru un árbol, un penedón….o cualesquiera outra cousa opaca. Zarrare los güeyos y cuntare cantandulo en voz alta. Y finare cantandu “...Quien nun tea ascondíu, tiempu a teníu”

Mentantu los outros, escuruxarunse nun guariche, asina que´l que ponela tien de salire la “Madre” -llugar ou cuentase – y rebusquiare al restu. Cuandu afayase dalgún, tien d´ire a la “madre” y glayare mientras chica  la “madre”….¡”Pur fulanitu u manganitu”! Diciendu´l nome de quien achisgo.

 Peru si alcuentra al escabildau mui cerque´l sou esconderite y mui a tresmanu la “madre”, el escabildau pue salire  escapáu y alantrare al que pon, y chegandu primeiru a la “madre”, glayare; ¡Pur miu!. Y asina salvase. 

Teniémus tamién una variante na que l´escabildau podía “dala” ¡Pur miu y toos los míos collacios!. Y entoncias salvabase a toos los xugadores y tornabase a repitire´l xuegu. Lo cualu convertialo n´algu murmiellu, ya que naide yera abondu pa pillais a toos.

Asina que nel barriu de nuesu, pa dale emoción y entriga, utilizábamos outra variante. Solamente´l caberu podía dala “¡Pur miu y toos los míos collacios!”

Quien la “ponía” tenia d´alcuntrare a toos lo xugadores y el caberu que apareciese sin habere sido a salvase, ponía la desotra vegada

Tamién xugemus del xeitu que chamabamus  “Patada´l bote”, pur que xugabase cun una llata conservas u bote muruqueau de chinas cumu un cascabelu. Colocabase na “madre” y pa salvase había de dai una patada, pa que ruxiera abondu, ya que xugabamus na noite y aparellaos. - Entocias ya nu yeramus tan nenos -…….Peru este xeitu voy contalo outru día.