Cuélebre, Culebrón, Serpentón…..son dalgún los nomes comu chamase a esti fabulosu, xigantescu y demonchiaticu sere, nos puebros llioneses.
Tien una cadarma grande a´mbute, protexíu cunun pelleyu asprosu d´escamas pedernas, llombu aserrau, dúas patas cun garras comu ´l ganchu la romana, alas membranosas asemeyandu al esperteyu y un llarguisimu rabu tronzadore d´escamas comu cheiras, cun acabación en punta de chuzu.
Fauces enormes cun caniles descomunales, güeyos rosios de nina estrecha y gueyada malina. Berríu o chiflíu alloriante, que descalofria y paralisa a los humanos y desmanda´l ganau.
Tres lliendas llionesas falan-nos de tres amentaus cuélebres nel norte Llión.
El Arcángel San Michael pelea con el Cuélebre.
Iglesia de Turienzo de los Caballeros -Stª Colomba de Somoza - en Maragatos.
“La Sierpe el Castru Rupianu” nel Valle d´Oza. Abarqueiru d´ayalgas a rodu, arrasiadore de tierras y llambrión d´homes. Fuei muertu pur la Fe y el coraxe de Santu Furtuosu. Fundador La Tebaida Bierciana.
“El Cuélebre´l Faedu” Terror nu cimeiru el Toríu, achisgador del Faedu y los Llanos de Xetinu. Acabou cun él, un valiente pastor trashumante veníu de las estremaduras del Vieyu Reinu.
“El Cuélebre La Gotera” Arrequedau nel escobiu La Gotera. Aportillaba l´agua el ríu Bernesga y lluegu esportillabala a petu nel intre, formandu una violenta inundación de las casas y las tierras de Gordón.
Matoulo San Llorente y los irmaos de sou.
Y de esta leyenda damos noticia, según me la contaron….¡Cuantaya!:
En esta entrada de Enero 2020 podrás leerla íntegramente
👇👇👇👇👇👇👇👇
No hay comentarios:
Publicar un comentario