Mitoloxía Llionesa: La Xana

 

La Xana´l Carbayal de Valdecesar

   La xana ye un espiritu femenín de l`agua comu las náyades romanas, solu que escurque de cuantá mais. Al decire la mayoria, pertenecen al Panthĕon la mitoloxia de los nuesus antepasaus ástures.

Viven nas aguas continentales, preferentemente nos chaos, manaderos, forfugones o fervencias.

   Tien ayalgas a manplen nel fondu l´agua ou tras la fervencia. Dedicanse muitu ratu a filare l´ouru y la prata, pa facere madeixas y duviellos cun que texere máxicas roupas y bordare  vestios .

Anque ye abeugosu de vere, dalgún afirma tenela atopada´l seguire un filu d´ouru que altravesaba la fraga el faedu y afalaba facia l´agua.

Dicin que cualesquier humanu cun corazón llimpiu y bondadosu pue afallala. Sobru tou na nueite mais curtia l´añu. Peru...¡ay probitin de ti! Si ciscoleas p´arranblare cun las ayalgas de sua, si intentas ambrullila ou traicionala. Tous los trapaceiros que tentaron a trincare los suos bienes...¡Acaborun alloriaos!

Desta maneira unos dicin que ye demoñiaca  y outros opinan que ye bondousa. Nu que tous aconchiganse, ye na su trasvolante guapura.

==============================

Las xanas son espíritus femeninos del agua como las náyades romanas, solo que mucho más antiguas que estas, ya que al decir de la mayoría, pertenecen al Panthĕon de la mitología de nuestros antepasados ástures.

Habitan en las aguas continentales, preferentemente en los lagos, manantiales y cascadas, de las cristalinas aguas de la montaña.

Posen inmensos tesoros ocultos en el fondo del agua o tras la cascada y dedican mucho tiempo a hilar el oro y la plata, para confeccionar madejas u ovillos con que tejer mágicas prendas y bordar vestidos.

Aunque son muy difíciles de ver, algunos afirman haberla encontrado siguiendo un hilo de oro que a través del bosque, conducía hasta el agua.

Dicen que cualquier humano de corazón limpio y bondadoso puede encontrarla. Sobre todo durante la noche mas corta del año. Pero.... ¡Ay de ti! si la buscas ambicionando sus tesoros, la mientes o la traicionas. Ningún ambicioso a salido en su sano juicio tras intentar apoderarse de sus tesoros.

Por eso unos dicen que es maléfica y otros opinan que es bondadosa. En lo que todos están de acuerdo, es en su inconmensurable belleza.

===========================

La Llienda de la ondina* Carissia.

 El Llagu Carucedo. El Bierzo. León. 

Una llienda rellata qu'esti llagu formóuse pula abondancia de llárimas de la ondina Carissia, tan namorada del xeneral romanu Tito Carissio.

Tito Carissio conquistóu Lancia y apoderóuse de El Bierzo. Nel añu 19 enantes de Cristu Tito Carissio tomóu Castrum Bérgidum.

Castrum Bérgidum o Castro Ventosa sitúase cerca de Cacabelos, en Fieros. Ye un cuestu que se ve dende la carretera. Eillí tán los raigaños hestóricos del Bierzo. El raigañu «berg» ye celta y sinifica altura. Aínda se caltien esti raigañu en dalgunas voces cumu bergancias.

Esiste la creyencia de qu'eiquí s'asitiaba l'antigua Bérgidum y los sus moradores abandunónunla de nueite, marchánduse a Torre de Babia, dispués l'emperador Tito Flavio Vespasiano dióu-y el dreichu de ciudá romana, cul nome de Bérgidum Flavia y asina la cita Ptolomeo y yera la décima casona romana nel itinerariu de Braga a Astorga, sigún Antonino.

Yá nel conciliu de Lugo del añu 569 cítase Bérgidum cumu capitalidá de la zona del obispáu de Astorga y, Valerio de Montes, discípulu de San Fructuoso, cita'l Bergidense territorium.

Esti Castru Ventosa tien un recintu cercáu mediu soterráu de cuatrocientos metros de llargu pur doscientos d'anchu, unos cuatro metros d'espesor cun siete d'altu. You atopéilu plantáu de viñas y tola muria soterrada. Quicias fuera la mayor fortaleza que tenían los ástures nel altu Sil.

Fou declaráu monumentu nacional en 1931 y escaváu arqueológicamente en 1976 atopandu mueitos oxetos de cerámica celta. Nel 1108 l'obispu Gelmírez consagróu una ilesia nesti castru y el rei Alfonso IX decidióu repoblarlu dandu grandes concesiones. Sicasí, hubu conflictu ente las diócesis purque'l Castro Ventosa pertenecía a Astorga y Cacabelos a Compostela y mueitos repobladores del castru pertenecían a Cacabelos.

Pos eiquí establecienun las sus tropas los romanos pa vexilar la esplotación de Las Medulas.

La ondina Carissia vivía na mítica ciudá de Lucerna y namoróuse perdidamente del guapu xeneral llatinu, peru'l romanu, dadu que la ninfa yera ástur, raza y pueblu que los romanos tenían que domiñar, esforzóula y esprecióula.

L'amor nun tien razas nin lindes; la ninfa sintíu tal dolor que tuvu mueitos años chorandu y tantas llárimas arramóu que se fou formandu'l llexendariu llagu y anubriendu la mítica ciudá de Lucerna.

Asina s'enllenóu la foxa cun augua cristalina, onde'l sol reflexa los sus rayos nuna tonalidá azulada enmarcada ente las espadañas y las xuncas.

Diz la llienda que tolos años al alboriar del día de San Xuan, cuandu se abre l'alba y el sol dora las auguas vese nel fonderu del llagu'l reflexu de la ciudá de Lucerna.

Nesa nueite serena sale la ondina Carissia del llagu de Carucedo a buscar un guapu rapaz que la requiebre d'amores. Peru cumu ye tan grande'l llagu ye difícil dar cun eilla. Dalguna vegada atopóuse na mañana lluminosa, el peñe de cuernu cun dalguna febra de sol ente las sus púas, que la ninfa deixóuse esqueicida na vera.

Siempres hai dalgún visitante del llagu de Carucedo que románticamente avérase a la oriella y da un besu a las sus auguas, pa que la xana del llagu cheve'l testimoniu afeutivu del galán que siente la llienda y dalgún creye percibir nas auguas azuladas cumu un arume de rosas campesas. Esti llagu ye artificial, producíu pol estancamientu de las auguas procedentes de la llaváu de las arrugias auríferas de Orellán, esplotaciones d'oru durante trescientos años polos romanos.

*ninfa acuática=ondina

▪︎Traducción al LLIONÉS: Gus

▪︎Testu: Mitos y leyendas de la tierra leonesa. Las leyendas del lago de Carucedo. MATÍAS DÍEZ ALONSO