13 feb. 2017

Llïonés: Día Internacional la Llingua Materna

El Día Internacional de la Llingua Materna, el 21 de Febreiru, cellébrase anualmente en tol mundu pa concienciar sobro la diversidá llingüística del mundu y de cumo ésta alcuéntrase en peligru.
Con eillo, eiquí no País Llionés estamos viendo cumo'l Llionés alcuéntrase nuna situación de peligru estremu pola falta de fomentu, la non oficialidá y la falta de reconocimientu de los dreitos llingüísticos  de los sous falantes. Asina, vemos cumo los nuesos dreitos llevan sufriendo muitu tiempu, agora, enclusu, la Xunta de Castiella y Llión y l'Estáu Español están refugando tódalas chamadas d'atención pa que cumpran col Estatutu d'Autonomía de Comunidá Autónoma.
La mesma UNESCO reconoz el dominiu llingüísticu asturllionés en peligru d'estinción y encamenta  la sua conservación.
Por eillo, la vindicación polo llionés anguañu tien que ser fuerti, nun solo cona llingua, sinon tamién en tódolos ámbitos: la despobración, l'avieyamientu, la emigración forciada de la mocedá, la falta de trabayu dinu, el nuesu sistema conceyil, la estración de recursos que nun redunda no País, las nuesas costrumes y tradiciones. Asina vemos cumo todo lo concerniente al País Llionés ye esqueicíu, terxiversá y robáu.
Consideramos que las diferentes llinguas del nuesu País (galego, llionés y castellano) son unas de las meyores ferramientas pa caltener y fomentar el nuesu patrimoniu tanxible e intanxible. Asina podemos dicir que caltener la nuesa llingua faz que conservar la bayura de tódolos territorios muitu más fácil, fomentando una diversidá llingüística que desendolque una mentalidá d'entendimientu y de solidaridá internacional.

Aproveitamos esti día tan importanta pa las cientos de llinguas qu'están na mesma situación qu ela nuesa pa cellebrar una Xornada no día 25 de Febreiru no CSO El Faro onde deprenderemos un pouquín más de la nuesa llingua nun taller d'estami.
Contaremos tamién conas compañeiras asturiadas de Darréu pa que nos cuenten cumo está la situación autual del Asturianu pa depués facer un alderique y siguir deprendiendo e intercambiando esperiencias.

Depuéis vamos facer el recital del I Certame de Poesía Combativa en Llionés conas/os autoras/es. Recordámovos qu'el prazu de presentación d'obras pa esti Certame ye hasta'l día 23 de Febreiru. Podéis unvialas al corréu: ruchar.moceda@gmail.com Las bases alcuéntranse nesti enllaz na nuesa web.
Pa rematar la Xornada habrá una pinchada de música del País. Deixámovos el cartelu onde podéis ver los horarios y tódalas actividades.
Salú!

XORNADA DÍA DE LA LLINGUA MATERNA
25 de Febreiru / CSO El Faro
15:00 h. - Comedor veganu.
17:00 h. - Taller d'entamu al llionés.
19:00 h. - Charra y alderique col coleutivu Darréu sobro la situación del asturianu.
21:00 h. - Recital del I Certame de Poesía Combativa en Llionés.
21:30 h. - Pinchada de música del País.



No hay comentarios: