12 ene. 2007

RAIGAÑU se suma a Puntulli





Alcuerdu aprobáu pula Xunta Direutiva de l’Asociación de Cultura Tradicional Llïonesa “Raigañu” en conceyu cellebráu na sua sede social en xineiru y 10 de 2007.


L’Asociación Cultural Llïonesa “Raigañu”, naz cuna firme intención d’estudiare, conservare y espardere la Cultura Tradicional Llïonesa, pulu cualu:

Sofitamos la creyación d’un domiñu cultural llïonés que sirva p’axuntar esfuerzos de tolas asociaciones, istitutos y fundaciones, asina cumu empresas privadas, instituciones públicias, inteleutuales, artistas y, en xeneral, cualisquier persona comprometida cuna defensa de la cultura na nuesa tierra, en cualisquier de las suas amuesas.

Atalantamos qu’esti domiñu (cultural), sedría bien útil na xeira de la recuperación de la nuesa cultura tradicional. Al mesmu tiempo sedría foru d’alderiques, intercambiu d’ideyas y llaboratoriu de creyación pa nuevas tendencias na nuesa fasteira cultural.

Un que cinca a emplegare “leo” ou “lli”:

a) La nuesa oción ye “lli”, dau que’l castellán (leo), ye una llingua que nun necesita xeoitu dengunu de proteición cultural, en cambiu el llïonés (lli) ye un bien cultural llïonés a puntu de desapaecer y los nuesos finxos quedan nidios asgaya nel primer parágrafu d’esti documentu, asina cumu nos nuesos estatutos.

b) Nun queremos entrare nel fatu alderique sobru si los llïoneses son más hespañoles cuandu falan en castellanu que cuandu falan llïonés, ya qu’ésti ye un alderique de guah.es propiu de ditaduras culturales, iguáu pulos hespañoles van yá deillas décadas y que sólu a los políticos nostálxicos y trasnueichaos interesa reabrire.

Llión, xineiru y 12, 2007
EL PRESIDENTE

1 comentario:

farruquis dijo...

¡Felicidades!

Apoyo y comparto vuestra elección. El camino será largo, pero a poco que empujemos todos, llevaremos ésto a buen término.

Un saludín
Farruquis
www.asomadero.blogspot.com