La Bañeza, nel Reinu de Llión

AFAYAIVOS EN LA BAÑEZA
Sobru una veiga verde y florida, que'l músicu bien cantóu
atóupase La Bañeza, nel Reinu de Llión.
Eiquí llegan los mieus pais de las tierras paramesas.
Eiquí tan los mieus collacios, el mieu coral, las mias metas,
caleyei pulas suas cais, mueitu xugéi de pequeña,
eiquí adeprendí a lleyerea aún tou cuntandu las lletras.
D'esta ciudá tan guapina, vou a dar una semeya.
En llegandu pa la Plaza, vés duas torres bien iniestas,
una ye la del Conceyu, la outra ye la de la Ilesia;
quitáronnus el Templete, y nos quedóu la Bohemia
y tamién los Imperiales pa poner zucre na mesa.
¡Nun toquéis las mias encinas! Pulu qu'eillas representan
purque son la tradición y el raigañu d'esta tierra.
Nun falaremus del tráficu que paéz un rompetiestas
meyor falemos de fiestas: la Patrona, Corpus Christi,
l'Antruexu, la sardina pa entamare la Cuaresma,
nun me puedu escaecere de Selmana Santa y ferias.
El xantare ye de viciu. Y las tapas las primeiras.
Esta tierra ye d'artistas, músicos, pintores, poetas.
Tolos que d'eiquí marchanun, naguan cun tornar a eilla.
You nun quieru camudare, que nun me presta outra tierra.
Si nun quieres amurniate, ¡AFÁYATE EN LA BAÑEZA!

Por CHARO