La nuesa collacia Llancara, envíanos estas coplinas que nun quieren publica-ys por tare´scritas na nuesa vieya llingua. ¡ Al inquisidor nun prestanle!.
Arrumbarun y escacharon dólmenes, grafilitos, estelas funerarias, dioses votivos ...... nu yeran la Fe “verdadeira”
Agora pagamos bien de perras, a licenciaos y estudiosos pa recuperalos.
Nun apurestes “Llancarina”, la verdá ye tozuda, siempre prevalece.
Y tendremus un día, nel que la nuesa llingua, sera considerada una reliquia tan valiosa como el Calíz de D. Urraca o el Llibru las Estampas.
Tendremus un día, nel que los llibros de testu pa los escolines llioneses, mencionaran quienes fueron los poetas del Lliones, y en los filandones, se contara sobre aquella epoca oscura na que los politicos que teniamos la obligación de mantenere, esforzabanse´n facer desaparecere´l idioma de nuesu.
Tendremus un día nel que los llioneses, podamus escribire na nuesa llingua.
Animu “Llancarina”, tenemosles arrinconaos.
COPLINA DEL VENTI-DIEZ
TAMOS EN TIEMPU DE COPLAS, ¡CHEGA L´ ANTRUEXU OUTRA VÉ
CUNA ÑEVE AMENAZANDU MENTANTU TOMU CAFÉ
ESCRIBU UNA NUEVA COPLA ANQUE NUN SEPA DE QUÉI
EL AÑU PASÁU CUN CRISIS Y CUN GRIPES A, B y C
¡QUEIXAIVOS AL PRESIDENTE! LA CULPA DE ZETAPÉ
EL MAL TIEMPU, LAS ÑEVADAS, EL PARU Y EL YOU QUE SÉI
EN LA BAÑEZA SIÑORES, QUIER ARRUCHARE´L PEPÉ
NOMAN MUEITAS CARAS NUEVAS, FACEN BIEN DE PARIPÉ
¡ESTA QUIERU QUE ME PRESTA!, ALTA DAMA NEL PAPEL
CAMBALACHES CONCEXILES, ESCUITAS A TUTIPLÉN
YÁ VEREMOS CUANTU DURAN LOS QUE NAGUAN EL PODER
L´ALCALDE BALANCÉASE, QUE NEL SUELU NUN SE TIEN
NOS PARQUES QU´INAUGURAN ENSIN REMATARE BIEN
NUEVA DÓMINA, NUEVU AÑU ¡CHEGA L´ANTRUEXU OUTRA VÉ!
EL ROSCÓN DE LOS REIS MAGOS CUL CHEQUE QUE NUN PILLÉI
EL GOCHO YÁ TA SORTEÁU, LOS “CHORIZOS” ¡AL SARTÉN!
NEL HOGAR DEL XUBILÁU PASODOBLES Y CUPLÉS
CUNA MÚSICA QUE RINCHA AQUEILLU DEL “VEN Y VEN”
QUE NUN VA FALTAYES PAGA, MANDE PESOE OU PEPÉ.
EL SENADOR PALAZUELO RELLÁMBESE DE PLACER
CEU HABRÁ UNA PLAZA NUEVA, TIATRU, INAUGURACIONES
¡MUEITAS CINTAS CORTARÉI!
LA CRISIS, ¡COUSA DE PROBES! LAS HIPOTECAS ¡TAMIÉN!
POLÍTICOS GAYOLEIROS Y LA OPOSICIÓN ¡YÁ SE VE!
CALENTANDU LOS SILLONES QUE NAMÁS SON A FACER
LOS IMPUESTOS PULAS ÑUBES, LOS COMBUSTIBLES TAMIÉN
SIGIREMOS CUNAS COPLAS Y QUE LAS IMPRIMAN BIEN
SIN ERRAS D´ORTOGRAFÍA QU´ESTU YÁ TIEN EL SOU AQUEL
QUE NUN NOS QUITEN PALABRAS, QUE NUN FALTEN” HACHE” OU “BE”
¡AY QUE LA CRISIS ME MATA Y ACÁBASEME´L PAPEL!
YÁ ME PASÉI CUNOS VERSOS Y TENDREILOS QU´ENCOYER
NESTAS DÓMINAS D´ANGUAÑU Y ANQUE ESCRIBA EN INTERNET
TENGU D´ESCRIBIRE COPLAS SINÓN ME FALTA DAQUÉ
YE QUE NUN FINAN LAS TEMAS Y ENTOVÍA NUN ROBRÉI
NUN ESCRIBU UN RES A NÓMINA
¡¡¡ANÓNIMA ROBRARÉI!!!
LLÁNCARA , FEBREIRU y ANTRUEXU de 2010
No hay comentarios:
Publicar un comentario