Mitoloxía Llíonesa: El Trastu

 El Trastu o Trasgu, ye un pequenno y farfalau sere la Mitoloxía Llionesa, peru cun maxia a manplén. Sobre tou na escamudación y la trasfulcación, d´animales, cosas y d´él mesmu.

Ye un sere mui urbanitu, nun vesele davezu nel campu. Onque nas cas siéntese más pur las travesuras de sou, que pur los sous visionamientos.

Prestales a´sgaya las cuadras y los llugares abarrotaus d´oxetos y artefáutos d´ogañu pur los que sientese clisao- prestase solu pa apañalos y furrulalos-  pur estu las suas correrías, que davezu son na nueiticida, son sobre tou nas cuadras, tenadas ou cualisquiera cuartu atarabancau de cachivaches. Cuartos qu´acabamos chamandu “trasteru” y a los cachivaches “trastos” por causa el Trastu. 

 Ye un personax zahuril y zuniegu que pur las suas mañas maxicas ye mui abegousu de vere.

Prestale camudare las cosas de sitiu, trasfulcandulas a llugares  incamentables. Tien un caráuter bipolare y dependiendu el sou xeitu cunos sous vecinos, pueque apañe ou escuaxaringue cosas, escondielas ou facelas apaecere, enclusu pue facere trabayos na nueiti. Componere madreñas, muñir vacas, arreglare carros……...ou si ta enfurruñau: Arramare el lleite, escondere las galochas, escachare una rueda, alloriare´l ganau…...

Pur tou estu, a los nenos llioneses enredadores, zahuriles, inquietus, hiperautivos…..chamaseles “trastos”. No purque seyan comu los chismes inanimados del trasteru, sinon porque asemeyan al xeitu el “Trasgu”.